Սուրբ Մեսրոպ Մաշտոց Մայր Եկեղեցի, հայ առաքելական եկեղեցի, որ գտնվում է Օշականում, Արագածոտնի մարզ։
Մեսրոպ Մաշտոցի մահից հետո հազարապետ Վահան Ամատունին և զորավար Հմայակ Մամիկոնյանը նրա մարմինը տեղափոխում են Օշական, որտեղ երեք տարի անց՝ 443 թվականին, Վահան Ամատունին մատուռ է կառուցում։ Մեսրոպ Մաշտոցի Նրա հիշատակը հարգելու համար Հովսեփ Ա Հողոցմեցի կաթողիկոսը Կորյունին հանձնարարում է գրել Մեսրոպ Մաշտոցի կյանքի ու գործի մասին։ 1875-79 թվականներին Գևորգ IV կաթողիկոսը հին մատուռի վայրում բազիլիկ տիպի նոր եկեղեցի է կառուցում։ Եկեղեցու խորանի տակ գտնվում է Մեսրոպ Մաշտոցի դամբարանը (433)` ուղղանկյուն թաղածածկ խուց` արևելքում խորշով, արևմուտքում բացվածքով, հյուսիսից և հարավից մուտքերով (հյուսիսայինը փակված է, իսկ հարավայինը բացվում է դեպի ավանդատուն), իսկ արևելյան կողմին կից 1884թվականին կառուցվել է երկհարկ գլանաձև զանգակատունը, որի մուտքը խորանից է։ Հայկական ճարտարապետության մեջ այն բացառիկ է ինչպես զանգակատան դիրքով, այնպես էլ կառուցվածքով։ 1960-ական թվականներին եկեղեցին ներսից զարդարվել է որմնանկարներով նկարիչ Հ. Մինասյանի կողմից
Հիմնական տվյալներ | |
---|---|
Տեսակ | եկեղեցի |
Երկիր | Հայաստան |
Տեղագրություն | Օշական, Արագածոտնի մարզ, ՀՀ |
Թեմ | Արագածոտնի թեմ |
Հոգևոր կարգավիճակ | գործող |
Ներկա վիճակ | Կանգուն,գեղեցիկ եկեղեցի է,որը այժմ Արագածոտնի թեմի առաջնորդանիստն է |
Առաջնորդ | Մկրտիչ արքպ. Պռոշյան |
Ճարտարապետական նկարագրություն | |
Ճարտարապետական ոճ | Գմբեթավոր դահլիճ |
Կառուցման սկիզբ | 1875 |
Կառուցման ավարտ | 1879 |
Հիմնադրված | 5-րդ դար |
Առաջին հիշատակում | 5-րդ դար |
Գմբեթ | 1 |
Շինանյութ | տուֆ |
Կոորդինատներ: 40°15′ հս․ լ. 44°18′ ավ. ե. |
Սուրբ Մեսրոպ Մաշտոց Մայր Եկեղեցի, հայ առաքելական եկեղեցի, որ գտնվում է Օշականում, Արագածոտնի մարզ։